ABS CBN Cebu

We are broadcasting from Central Visayas Broadcast Complex in Cebu North Road, Jagobiao, Mandaue City, Cebu, Philippines. Landline: 032-4221954. Fax: 032-4221952. Email: abscbn.cebu@gmail.com

Monday, March 05, 2012

Arangkada of Leo Lastimosa for March 6, 2012

Konsabo sa lana



           May polis nga namadlong sa mga bugoy sa eskina.  Nga gipasanginlan nga nangulata sa mga molupyo nga nanglabay.  Ang polis nitampok sa iyang dughan ug nipadayag og simpatiya sa mga biktima.  Maisugon sab nga nipasidaan sa mga bugoy nga angayng hunungon na ang ilang pangabuso batok sa inosenteng mga sakop sa katilingban.
           Apan kutob ra sa sulti ang pasidaan sa polis.  Way bugoy nga nasilotan.  Padayon ang ilang pagpanghasi sa labing kabos nga mga molupyo nga way katakos pagpanalipod sa ilang kaugalingon.  Nakapasamot sa eskandalo mao nga, luyo sa pagpadayag sa polis og simpatiya sa mga molupyo, nabisto nga ni-ambit diay sa pagpatid sa mga biktima.

-o0o-

    Ang polis way kalainan sa gobyerno.  Ang mga bugoy way kalainan sa higanteng mga kompaniya sa lana.  Ang makaluluoy nga mga biktima mao kitang kabos nga mga konsumidor nga maoy labing nabuktot sa matag higayon nga ipahamtang ang makalilisang nga usbaw sa presyo sa mga produkto sa lana.
    Kutob ra sa pasidaan ang gobyerno.  Way bisan usa ka kompaniya sa lana nga nasilotan.  Padayon ang ilang panaugdaog sa mga konsumidor nga di kapanagang sa ilang gibunal nga mga uminto.  Nakapasamot sa eskandalo mao nga, luyo sa pagpaka-aron-ingnon nilang Presidente Noynoy Aquino ug ubang opisyal sa gobyerno, ni-ambit sab diay sila og pangilkil sa mga biktima.

-o0o-

    Mao ni ang nangalisbo nga kamatuoran:  Sa matag usbaw sa matag litro sa krudo, gasolina ug kerosene ug sa matag kilo sa liquified petroleum gas (LPG), moburot sab ang koleksiyon sa gobyerno sa 12% nga expanded value added tax (Evat) nga gipahamtang sa tanang produkto sa lana.
    Sa yanong pagkasulti, dako kaayo ang tentasyon sa gobyerno sa paglingiw-lingiw lang, kon di man sa pagdasig gyod, sa subsob ug dagkong uminto sa lana kay mas modako man sab ang ilang koleksiyon sa Evat.  Mahimong pagarpar lang diay ang ilang pagpadayag og simpatiya, kay mahinangpon man sab diay silang nitabang pagbunal sa mga konsumidor.

-o0o-

    Sama sa mga bugoy, ang mga kompaniya sa lana nagpatuyang sa pangabuso.  Kay nahibawo man nga, gawas sa hingpit nilang kagawasan pagpaburot sa ginansiya ubos sa oil deregulation law, ang gobyerno tua kapusta nila.
    Sama sa nagpa-poging polis, ang gobyerno di sab makabadlong sa pagpahimus.  Kay gawas nga nakahimo na og balaod nga naggapos sa ilang kamot, ang gobyerno nahibawo nga ang pagsamot sa pagpa-buktot sa mga konsumidor nagkahulogan sa mas dakong kita sa ilang panudlanan ug mas adunahang tinubdan sa ilang galastohan.

Makapanghunaw silang Presidente Aquino ug ang Sugbuanong Energy Secretary nga si Rene Almendras nga igo lang nilang napanunod kining eskandalo sa nangaging mga pamunoan.  Apan, sama sa ilang gisundan, di sila mapasaylo sa pagpa-undayon pagpahimus sa labing kabos sa katawhan.  [30]  leo_lastimosa@abs-cbn.com

3 Comments:

At 5:15 AM, Anonymous Anonymous said...

Ρlease let me know if yοu're looking for a article author for your weblog. You have some really good articles and I think I would be a good asset. If you ever want to take some of the load off, I'd reallу lіκe
to writе some artіcles for your blog in exchange fοr a link
baсk tо mine. Ρlеasе send me an email if interested.
Κudοѕ!

Here іs my wеb pаge wedding photographs by jean arasanayagam
My site - wedding photographer 2012

 
At 6:36 AM, Anonymous Anonymous said...

I’m not that muсh of а online readеr to be honest but уour blogs reallу
nicе, keep it up! Ι'll go ahead and bookmark your website to come back later on. All the best

Feel free to surf to my web site ... wedding photographs of ritesh deshmukh
Also see my web site - wedding photographers blog

 
At 6:09 AM, Anonymous Anonymous said...

Appreciate the recommendation. Let me try it out.

Feel free to surf to my web site - scrabble game cheat

 

Post a Comment

<< Home