ABS CBN Cebu

We are broadcasting from Central Visayas Broadcast Complex in Cebu North Road, Jagobiao, Mandaue City, Cebu, Philippines. Landline: 032-4221954. Fax: 032-4221952. Email: abscbn.cebu@gmail.com

Sunday, September 04, 2011

Arangkada of Leo Lastimosa for September 5, 2011

Interes sa US


Ang labing uwahing komunikasyon sa US Embassy sa Manila ngadto sa State Department sa Washington D.C. nga gibisto sa Wikileaks hagbay rang nahibaw-an sa katawhang Pilipinhon, kay gisuwat ni niadto pa mang 2005, apan nakapalab-as sa dako nilang kauwawan isip nasud ug katawhan--ang ilang kainutil sa pagbadlong ug pagsilot ug pagpalagpot sa kurakot nga pamunoan ni kanhi presidente Gloria Arroyo.
Ang cable nga gipada ni US Chargé d'Affaires Joseph Mussomeli nikutlo nilang Washington Sycip sa SGV, Federation of Filipino-Chinese Chambers of Commerce and Industry (FFCCCI) President Francis Chua ug Bill Luz sa Makati Business Club.  Nga pulos nipasangil nga gipatuyangan ni Arroyo ang pangurakot sa mga opisyal nga nakapatungtong ug nakapabilin niya sa gahom.

-o0o-

Si Sycip gikutlo sa embahada nga nilambigit ni kanhi first gentleman Mike Arroyo sa smuggling ug nilang Mike ug sa iyang anak nga si Mikey sa jueteng.  Gihulagway ni Sycip ang pangurakot sa mga Arroyo nga mas grabe pa kay sa pangawat ni anhing presidente Ferdinand Marcos.
Matod ni Sycip way gihimo si Gloria kay si Mike ang nagkontrolar sa mga puwersa nga makapabilin niya sa Malakanyang.  Si Chua niingon nga naapiki ang mga negosyante tungod sa pinatuyangang pangurakot.  Si Luz masaligon nga dunay lig-ong saksi nga motumaw pagmatuod sa mga pasangil batok nilang Arroyo.

-o0o-

Apan ang Estados Unidos niangkon nang daan nga lisod ang pagpalagpot ni Arroyo sa gahom.  Ang embahada niingon nga bugnaw ang suporta sa katawhan sa mga kaso sa impeachment kay ang mopuli ni Arroyo mao si kanhi bise presidente Noli de Castro nga wa sab nila saligi.  Nikumpisal sab ang embahada nga lisod barawon ang jueteng kay daghan kaayong mga tawo ang nakapahimus.
Ang Estados Unidos wa gyoy tinguha pag-apiki sa mga Arroyo.  Sa laing komunikasyon, si kanhi US Ambassador Kristie Kenney nisaway hinuon ni anhing presidente Cory Aquino nga namantsahan tungod sa iyang pakig-alyansa ni kanhi presidente Joseph Estrada ug kahuyang batok sa pangurakot atol sa iyang pamunoan.

-o0o-

Nabantang ang tinuod nga baraha sa Estados Unidos, ang pagpaneguro sa ilang kaugalingong interes, dihang nabutyag ang NBN-ZTE scandal.  Inay tukion ang kalig-on sa mga ebidensiya sa kalambigitan sa magtiayong Arroyo sa $329 milyones nga transaksiyon, gisentro sa embahada ang ilang atensiyon sa pagkabulilyaso sa tinguha sa China pagpanuburno aron makaangkon og mas dakong influencia sa Pilipinas.
Sa iyang cable niadtong 2008, si Kenney wa maghisgot angay bang prisuhon ang mga Arroyo, hinunoa nipadayag og kahinangop nga tungod sa eskandalo giimbestigar sab sa Kongreso ug busa naapiki ang uban pang mga proyekto sa China, sama sa pagpalapad sa Diosdado Macapagal International Airport sa Clark, pagtukod sa Fish Port Complex sa General Santos City, sa Northrail Project ug sa pagtahan na lang unta sa pamunoang Arroyo sa Spratly Islands ngadto sa Beijing.  [30]  leo_lastimosa@abs-cbn.com

1 Comments:

At 10:10 PM, Anonymous Phil said...


Philippine Headlines
Philheadlines.blogspot.com
Philippine breaking news headlines, current events, star cinema, analysis and opinion on top stories, latest, photos, world, entertainment, sports, technology, business, politics, Showbiz, Chikka, Buzz, Pinoy Celebrity, and more.

Philippine Latests
PhilippineLatests.blogspot.com
Philippine Latest provides the most recent news, current events and headlines from Philippine leading news providers.

Singapore Latests
SingaporeLatests.blogspot.com
Singapore latest news headlines, current events, analysis and opinion on top stories, photos, world, entertainment, sports, technology, business, politics, Celebrity, and more.

Cool Things Shared on Facebook
SharedOnFacebook.blogspot.com
Collection of Cool Things Shared on Facebook || Popular posts on Facebook

 

Post a Comment

<< Home