ABS CBN Cebu

We are broadcasting from Central Visayas Broadcast Complex in Cebu North Road, Jagobiao, Mandaue City, Cebu, Philippines. Landline: 032-4221954. Fax: 032-4221952. Email: abscbn.cebu@gmail.com

Saturday, April 10, 2010

Arangkada of Leo Lastimosa for April 11, 2010

                        Hudlat sa Sumilon

 

            Sa di pa makabuylo si Oslob Mayor Ronald Guaren sa iyang kampanya pagpalayas sa Sumilon Bluewater Island Resort (SBIR) pinaagi sa pagpahamtang nilag makalilisang nga mga bayranan, maayo tingaling pahinumdoman siya unsa kalaksot ang isla dihang ang munisipyo pay nagduma ini.  Sa ilang pagsugod paglimpiyo sa Sumilon niadtong Oktubre 2004, ang mga kawani sa SBIR nakugang sa gidaghanon ug kalang-og sa mga basura nga nagpasad sa tibuok isla—timaan sa katuigan sa pagpabaya.

            Karon, bisan sa kapakyas sa munisipyo paghatag og tubig ni kuryente sa isla, ang Sumilon duna nay klarong kadalanan, 14 ka cottages, swimming pool, power generators, dakong kan-anan, luwas nga basurahan ug barge.  Inay pasalamatan, gusto ni Guaren nga silotan ang SBIR sa pagpalambo sa Sumilon.

-o0o-

            Ang SBIR nakasud sa Sumilon tungod sa pagtugot sa Department of Environment and Natural Resources (DENR) nga kinahanglang lab-ason matag tuig.  Marso sa niaging tuig, gipirmahan ang kauyonan, nga gipasiugdahan ni Guaren, sa hinugpong nga pagduma sa Sumilon tali sa DENR ug sa munisipyo.

            Apan niadtong Oktubre nipasar ang Sangguniang Bayan sa Oslob og ordinansahon nga nipahamtang sa SBIR og tinuig nga mga bayranan nga mokabat og P3 milyones.  Sa way pagtahud sa permiso sa SBIR gikan sa DENR nga hangtod pa sa 2011.  Ug linaktawan bisan ang komitiba, nga gipangulohan mismo ni Guaren, nga gitukod sa hinugpong nga pagduma sa Sumilon.

-o0o-

            Ang kita sa SBIR di paigo pagsuhol sa kapin sa 50 ka kawani ug sa dagkong bayranan nga gipaningil nilang Guaren ug kaubanan.  Kon way makabaraw sa kahakog ni Guaren, mahimong mapugos ang mga tagduma sa SBIR pagpamutos ug pagbiya sa Sumilon.  Kon mahitabo na, kabayran bang Guaren ang P100 milyones nga nabubo sa SBIR sa Sumilon?

            Di kabuylo ang SBIR pagpalambo sa Sumilon kay tagsa ka tuig rang ilang permiso.  Kon kahatagan og mas taas nga lugway, makadugang silag cottages nga makadani og dugang mga turista.  40% rang ilang occupany rate karon kay di kapatuyang pagpada og mga turista ang travel agencies tungod sa kanihit sa ilang kuwarto.

-o0o-

            Akong higala ang Pamilyang Alegrado nga maoy nanag-iya sa SBIR.  Takos silang manalipod sa ilang kaugalingon apan nasubo lang ko sa di makiangayon nga pagtagad ni Guaren nila.  Di malalis ang kadako sa natampo ni Consul Arcadio Alegrado, uban ang iyang hotels ug resorts sa Sugbo, Bohol ug Mindanao, sa lokal ug nasudnong ekonomiya.

            Sa iyang pagbunal sa SBIR og makalilisang nga mga bayranan, si Guaren igo lang nagtan-aw sa tumoy sa iyang ilong.  Ang mas dakong hulagway nga iyang nataligam-an mao nga ang pagpakigtambayayong sa pribadong sektor, di ang pag-apiki nila, maoy labing mahinungdanong yawe pagpalambo sa turismo sa Oslob ug sa panginabuhi sa mga Oslobanon.  [30]  leo_lastimosa@abs-cbn.com

3 Comments:

At 6:51 PM, Anonymous Anonymous said...

To the Mayor of Oslob Cebu, Atty. (daw) Ronald Guaren.
We had been in Sumilon last week during our reunion with the family, dunay niduol sa amo nga lalaki (dili man taga Oslob, originally iya rang asawa) na malakas ang loob to ask for payments na Php25. when i asked him a receipt he left us at went to his boat to get a coupon that looks like a printed cartolina. i asked him him what was the objective & purpose of the collection, but sad to say he can not answer me. Oh NO! what a hell you mayor sending an employee who cant answer simple questions like that & even cant give us the ORDINANCE NUMBER, ALSO CANT ISSUE US AN OFFICIAL RECEIPT. I KNEW WHAT ARE THE BIR RULES FOR A RIGHT OF A CUSTOMER. MAYOR GUAREN YOU ARE DEPLOYING AN EMPLOYEE WITHOUT PROPER ORIENTATION? ARE YOU REALLY DOING WHAT ARE THE ROLES OF THE EMPLOYEES?

It was not wrong to collect if he (collector) approached us ng maayos & explained to us properly the purpose of collecting an amount of Php25.

 
At 6:55 PM, Anonymous Anonymous said...

Mayor Guaren ayaw hadloka ang mga tawo nga ang alam mo ay mga MANGMANG.

Ayaw paagi-a sa imong pagka ATTY. kay every person has a right & we are in a freedom country.

 
At 4:53 PM, Anonymous Anonymous said...

To Leo Lastimosa:

Sir, are you saying that Sumilon authorities cannot afford the 3million that the LGU of Oslob has been asking? As far as I know, it has generated income of more than that amount. Besides, the LGU should also earn from the island. To think, it is not a private property, it is nature. Walay right sila nga mu-angkon sa island.

To the first commentor:

clarification lang. Atty. (daw)?!
FYI, Mayor Guaren is a lawyer. Kahibalo siya sa balaod. Kung nasuko ka nga gipangayoan ka ug 25 pesos without the person knowing the reason, blame the person not the authorities. And are you sure sa government to nga collection, or sa Sumilon auhtorities? Malakas na loob? Kay ngano, libre diay ang island? Sultian tika, naay ENTRANCE FEE. Fine, sayop and pagdeploy ug employee nga wala kahibalo sa iyang trabaho but is it the mayor's duty. Should the mayor himself do the checking while some more important businesses are to be taken care of? Think.

PS, please check your english. don't pretend to know the language.

to the second commentator:
Gihadlok ba diay? Hala. Karon ra lagi ko ana. Wala siguro hadloka, nahadlok lang gyud ka bahalag wala hadloka.

 

Post a Comment

<< Home